ინტერს ბაიერნთან ლაუტარო და დუმფრისი ვერ დაეხმარებიან?

ლაუტარო მარტინესი და დენზელ დუმფრისი ინტერს რამდენიმე მატჩში ვერ დაეხმარებიან.

როგორც იცით, დუმფრისიც და მარტინესიც დისკომფორტის გამო მარტში თავიანთ ნაკრებებს ვერ დაეხმარნენ.

ლაუტაროს დაბრუნება 5 აპრილს, პარმასთან მატჩშია მოსალოდნელი. შესაბამისად, ის გამოტოვებს უდინეზესთან ჩემპიონატის და მილანთან სათასო შეხვედრას.

რაც შეეხება დუმფრისს, ის სავარაუდოდ სამივე ამ თამაშს გამოტოვებს.

ორივეს სურვილია, ბაიერნთან ჩემპიონთა ლიგის 1/4 ფინალურ მატჩს მზადყოფნაში შეხვდეს, თუმცა მხოლოდ დამატებითი გამოკვლევები დაადგენს, მოასწრებენ თუ არა ფეხბურთელები გერმანულ გრანდთან მატჩისთვის მომჯობინებას.