-
Aa
+
ფონტის ზომა
ჩელსის და ასტონ ვილას ყოფილი ინგლისელი ფეხბურთელის, კრის სატონის აზრით, არსენალს ჩემპიონთა ლიგაზე რეალის ბარიერის გადალახვა შეუძლია.
გუნდები ერთმანეთს ტურნირის 1/4 ფინალში დაუპირისპირდებიან, პირველი მატჩი ლონდონში გაიმართება, საპასუხო კი - მადრიდში.
„ვფიქრობ, არსენალის გულშემატკივრები ხავსს ეჭიდებიან, თუ დღემდე ფიქრობენ, რომ გუნდი პრემიერ ლიგის ჩემპიონობისთვის იბრძვის.
გუნდი რეალზე იქნება კონცენტრირებული მთლიანად და მე მგონია, რომ არსენალისთვის ეს თავისუფლად გავლადი მეტოქეა. ალბათ, ყველას ფავორიტი რეალი ჰგონია, რადგან მათ ბევრი ნიჭიერი ფეხბურთელი ჰყავთ, მაგრამ არსენალს ორმატჩიან დუელში მადრიდის ბარიერის გადალახვა შეუძლია.
მეთოფეების გასვლაში ისევე ვარ დარწმუნებული, როგორც იმაში, რომ გუნდი პრემიერ ლიგაში ლივერპულს ვეღარ გადაასწრებს." - აღნიშნა ჩელსის ექს-ფორვარდმა.
ნ
ნიკა შაქარაშვილი
