ინტერთან მატჩის წინ ბაიერნს მუსიალა გამოაკლდა

გერმანიის ბუნდესლიგის 28-ე ტურში აუგსბურგთან გატანილი გოლის მიუხედავად უიღბლო მატჩი გამოვიდა ჯამალ მუსიალასთვის.

ბაიერნის ახალგაზრდა ნახევარმცველმა ბარძაყის კუნთის ტრავმა მიიღო, რის გამოც ჩემპიონთა ლიგის 1/4 ფინალში ინტერთან ვერ ითამაშებს.

"მუსიალას ტრავმა სამწუხაროდ კარგად არ გამოიყურება. გამოტოვებს თუ არა ინტერთან თამაშს? კი. - უთხრა ბაიერნის დირექტორმა, მაქს ებერლმა BILD-ს.

გერმანელი მოთამაშის ტრავმის სიმძიმე და ზუსტი უქმობის პერიოდი მოგვიანებით გახდება ცნობილი.

ბაიერნი და ინტერი 1/4 ფინალის პირველ მატჩში ერთმანეთს 8 აპრილს, ალიანც არენაზე დაუპირისპირდებიან.

VIDEO: ბაიერნმა თამაში მოატრიალა და აუგსბურგს მოუგო