ოფიციალურად: ჰუმელსი კარიერას ასრულებს

რომას გერმანელმა მცველმა, მატს ჰუმელსმა სოციალურ ქსელში სეზონის ბოლოს საფეხბურთო კარიერის დასრულების შესახებ გამოაცხადა.

36 წლის ფეხბურთელის ანგარიშზე კარიერაში ჩატარებულ 797 მატჩში 65 გოლი და 39 საგოლე გადაცემაა. 

ის რომამდე მიუნხენის ბაიერნსა და დორტმუნდის ბორუსიაში თამაშობდა, კარიერას კი იტალიის დედაქალაქში ასრულებს.

მას საკლუბო კარიერაში ჯამში 14 ტიტული აქვს მოგებული: 5 ბუნდესლიგა, 3 გერმანიის თასი, 6 გერმანიის სუპერთასი.

ჰუმელსმა გერმანიის ნაკრებში 2010-დან 2023 წლამდე 78 მატჩი ჩაატარა და 5 გოლი გაიტანა, 2014 წელს ის ბუნდესნაკრებთან ერთად მსოფლიო ჩემპიონი გახდა.