კეინი: "ჩემპიონთა ლიგის მოგება მთელი ჩემი ცხოვრების ოცნებაა"

ჰარი კეინმა ჩემპიონთა ლიგის მოგების სურვილი გამოთქვა.

„ჩემპიონთა ლიგის მოგება - ჩემი დიდი ოცნებაა, მთელი ცხოვრების ოცნება. წელს ამის შანსი გვექნება, მითუმეტეს რომ სახლში, საკუთარი გულშემატკივრების წინაშე იქნება ფინალი. ვფიქრობ, ეს გამარჯვებას კიდევ უფრო განსაკუთრებულს გახდიდა.

წინ დიდი მატჩი გველის, უმნიშვნელოვანესი მეოთხედფინალი ინტერთან, ამიტომ მზად უნდა ვიყოთ. ვიცით, რომ თუ ჩვენი დღე იქნება, ნებისმიერის დამარცხება შეგვიძლია. საკმარისად ძლიერი გუნდი გვყავს, რომ ეს გავაკეთოთ, მაგრამ მთავარია - ორივე მატჩში სტაბილურები ვიყოთ და შემდეგ გამოჩნდება, რამდენად შორს გავალთ.

რა თქმა უნდა, ვიცით, რამდენად მნიშვნელოვანია ჩვენი გულშემატკივრებისთვის ის, რომ ფინალი მიუნხენში გაიმართება, რაც დამატებით მოტივაციას გვაძლევს." - აღნიშნა ბაიერნის ფორვარდმა.