VIDEO: ბაიერნმა თამაში მოატრიალა და აუგსბურგს მოუგო

გერმანიის ბუნდესლიგის 28-ე ტურში აუგსბურგმა საკუთარ მოედანზე მიუნხენის ბაიერნი მიიღო და 1-3 დამარცხდა.

მატჩში ანგარიში 30-ე წუთზე მასპინძელთა მხრიდან დიმიტრის იანულისმა გახსნა. 42-ე წუთზე ჯამალ მუსიალა საჯარიმოში კარგად გაერკვა სიტუაციაში და წონასწორობა აღადგინა. პირველი ტაიმი 1-1 დასრულდა.

59-ე წუთზე აუგსბურგის სიტუაცია დამძიმდა, სედრიკ ზესიგერმა მეორე ყვითელი ბარათი მიიღო და მასპინძლები კაცნაკლული დარჩნენ.

ამ მომენტიდან 1 წუთში მაიკლ ოლისეს ჩაწოდების შემდეგ ჰარი კეინმა თავური დარტყმით აიღო მეტოქის კარი და თავისი გუნდი წინ გაიყვანა.

მატჩის საბოლოო ანგარიში კომპენსირებულ დროში ლეროი სანეს დარტყმის შემდეგ დაფიქსირდა და ბაიერნმა მეტოქე 1-3 დაამარცხა.

ვინსენ კომპანის გუნდს 28 მატჩის შემდეგ 68 ქულა აქვს და ბუნდესლიგას ლიდერობს. მდევარი ლევერკუზენს ერთი მატჩითა და 9 ქულით ნაკლები აქვს.