სასჯელი ცნობილია - ითამაშებენ თუ არა რეალის ფეხბურთელები არსენალთან?

უეფას გამოძიების შემდეგ ანტონიო რუდიგერი, კილიან მბაპე, დანი სებალიოსი და ვინისიუს ჟუნიორი ჩემპიონთა ლიგის 1/4 ფინალში არსენალთან მატჩში დისკვალიფიკაციას გადაურჩნენ.

1/8 ფინალში ატლეტიკოსთან გამარჯვების აღნიშვნის დროს გარკვეული ჟესტების ჩვენების გამო მბაპემ და რუდიგერმა ფულად ჯარიმასთან ერთად ერთმატჩიანი დისკვალიფიკაცია მიიღეს, თუმცა მათ ამის მოსახდელად ერთწლიანი პერიოდი ექნებათ და არსენალთან შეხვედრას არ გამოტოვებენ.

რუდიგერს ჯარიმის სახით 40 ათასი ევრო ექნება გადასახდელი, მბაპეს კი - 30 ათასი.

მხოლოდ ფულადი ჯარიმა (20 ათასი ევრო) დაიმსახურა სასჯელის სახით დანი სებალიოსმა, ვინისიუს ჟუნიორის წინააღმდეგ კი სადისციპლინო ზომების მიღება საჭირო არ გახდა და მას არც ჯარიმა და არც დისკვალიფიკაცია არ მიუღია.

არსენალისა და რეალის პირველი მატჩი 8 აპრილს, ლონდონში გაიმართება.