ისლამი თუ გეიჯი - ვისთან ბრძოლა სურდა ილია თოფურიას თეთრ სახლში?

MMA-ის ინსაიდერმა ჟურნალისტმა, არიელ ჰელუანიმ, UFC-ის თეთრი სახლის ღონისძიების მთავარ ბრძოლაზე ისაუბრა.

„ამ მთელი პროცესის განმავლობაში მე ისევ და ისევ ვამოწმებდი: სთხოვდნენ თუ არა ილიას ბრძოლას თეთრ სახლში?

არაერთხელ მოვისმინე პასუხი - არა. გასული კვირის შუაში მას ისევ დაუკავშირდნენ. ილიას ჰკითხეს: „უფრო რომელი გაინტერესებს - ისლამი თუ გეიჯი? ერთი 170 ფუნტშია, მეორე 155-ში.“

ჩემი წყაროების მიხედვით, ილიამ თქვა: „მომეცით ისლამი. მე ავდივარ 170-ში.“ და ეს იყო ყველაფერი.

ილიასა და ისლამის ბრძოლა საბოლოოდ მაინც არ გაფორმებულა, რადგან ცნობილი გახდა, რომ ისლამი ხელმისაწვდომი არ იქნებოდა. როგორც კი ეს ნათელი გახდა, ყურადღება გეიჯიზე გადაიტანეს.

მაგრამ საბოლოოდ, ილიას ისლამი უნდოდა. ილია თოფურია სწორედ ასეთი მებრძოლია. მას ყველაზე დიდი გამოცდის გავლა სურდა.“ - განაცხდა ჰელუანიმ საკუთარ პოდკასტში.

14 ივნისს, თეთრი სახლის ღონისძიებაძე, UFC Freedom 250-ის მთავარ ბრძოლაში ილია თოფურია მსუბუქი დივიზიონის ქამარს ჯასტინ გეიჯის წინააღმდეგ დაიცავს.

,,თავდაპირველად ილია ამ ქარდზე არ უნდა ყოფილიყო" - უაითი თეთრი სახლის ღონისძიებაზე