ჩემპიონთა ლიგის 1/4 ფინალურ ეტაპზე, ლონდონის არსენალმა ლისაბონის სპორტინგს მინიმალური სხვაობით აჯობა.
ლისაბონში 1:0 გამარჯვების შემდეგ, მეთოფეებმა ლომებს ემირეითს სთედიუმზე გოლი არ გაატანინეს, 0:0 ითამაშეს და 1/2 ფინალის საგზური მოიპოვეს.
იმის მიუხედავად, რომ სპორტინგის ფეხბურთელებმა კარისკენ 8-ჯერ დაარტყეს, მათი XG-ის ჯამური მაჩვენებელი 0.23 გახლდათ - ფაქტობრივად, რეალური სახიფათო მომენტი არ ჰქონიათ.
არსენალის ისტორიაში პირველადაა, როცა გუნდი ჩემპიონთა ლიგის 1/2 ფინალში ზედიზედ ორ სეზონში გადის - გასულ წელს მომავალ ჩემპიონ პსჟ-სთან დამარცხდნენ.
მიკელ არტეტას შეგირდები 1/2 ფინალში გავიდნენ ატლეტიკოზე, რომელთანაც პირველ მატჩს 29 აპრილს, მადრიდში ჩაატარებენ, 5 მაისს კი ლონდონში უმასპინძლებენ.
