ლა ლიგა 2026 წლის 10–13 აპრილს ისტორიაში პირველად რეტრო ტურს გამართავს.
,,ამ დღეებში ლა ლიგისა და ლა ლიგა 2-ის 38 კლუბი მოედანზე ახალი ფორმებით გამოვა, რომლებიც შთაგონებული მათი წარსულის საკულტო დიზაინებით იქნება. მათთან ერთად რეტრო სტილის სპეციალურ ფორმას მსაჯებიც ჩაიცვამენ.
ლა ლიგის რეტრო დღე შეიქმნა, როგორც მდიდარი მემკვიდრეობის თვალსაჩინო გამოხატულება - ინიციატივა, რომელიც კლუბების ისტორიას ემოციურ გამოცდილებად გარდაქმნის.
ისტორიული მაისურები, თანამედროვე ვერსიით გადამუშავებული, თაობებს შორის ხიდის როლს ასრულებს და აკავშირებს გულშემატკივრების ფესვებს იმასთან, თუ როგორ გამოიხატება ფეხბურთი დღეს.
ეს ინიციატივა აერთიანებს ფეხბურთსა და მოდას პირდაპირ მოედანზე და ლა ლიგას აქცევს ევროპის ხუთ დიდ ლიგას შორის ერთადერთად, რომელიც ასეთ ერთობლივ პროექტს ახორციელებს.
ლა ლიგის 31-ე ტურისა და ლა ლიგა 2-ის 35-ე ტურის განმავლობაში 38 კლუბი ამ ინიციატივას შეუერთდება და მოედანზე ახალი რეტრო ფორმებით გამოვა, რომლებიც მათი ისტორიის კლასიკური მოდელებით არის შთაგონებული." - წერია ლა ლიგის განცხადებაში.
