ლა ლიგის რეტრო მატჩის დღე რეალის და ბარსელონას გარეშე ჩატარდება

ლა ლიგამ გამოაცხადა თავის ისტორიაში პირველი აქციის, „რეტრო მატჩდეის“ ჩატარების შესახებ, რომელიც ესპანური ფეხბურთის ისტორიას ეძღვნება.

რელიზში ნათქვამია, რომ 10-დან 13 აპრილამდე ლა ლიგის (31-ე ტური) და სეგუნდას (35-ე ტური) 38 კლუბი ითამაშებს რეტრო ფორმებით, რომლებიც მათი წარსულის დიზაინით არის შთაგონებული. სპეციალური ფორმა ასევე ექნებათ მსაჯებს, ხოლო ტელეტრანსლაციებს თან ახლავს რეტრო სტილის გრაფიკა.

ისტორიაში პირველად - ლა ლიგის გუნდები რეტრო მაისურებით ითამაშებენ

მონაწილეების ფორმები 19 მარტს, მადრიდის მოდის კვირეულზე იქნება წარმოდგენილი.

როგორც Mundo Deportivo იტყობინება COPE-ზე დაყრდნობით, ბარსელონა და რეალი აქციაში მონაწილეობას არ მიიღებენ.

კატალონიელებმა უარი თქვეს ტექნიკური პრობლემების გამო, რამაც ხელი შეუშალა მიმდინარე სეზონისთვის რეტრო ფორმის დროულ წარმოებასა და სერტიფიცირებას, თუმცა მომავალ სეზონში მონაწილეობას გეგმავენ. რეალი კი არ იღებს მონაწილეობას, რადგან პროექტს არ შეუერთდა.

რაიო ვალეკანომ და ხეტაფემ ასევე უარი განაცხადეს.