ისტორიაში პირველად - ქართული წყვილი ფიგურულ ციგურაობაში ევროპის ჩემპიონია

ქართული ფიგურული ციგურაობის ისტორიაში პირველად, ჩვენს ქვეყანას ევროპის ჩემპიონი წყვილი ჰყავს! 

დიდ ბრიტანეთში მიმდინარე ევროპირველობაზე, სპორტული წყვილების კატეგორიაში, ლუკა ბერულავასა და ანასტასია მეტელკინას დუეტმა მოკლე პროგრამაში 75.96 ქულა დააგროვა და მცირე ოქროს მედალი მოიგო, თავისუფალ პროგრამაში კი 139.8 ქულა დაიმსახურა და პირველი ადგილი დაიკავა. შესაბამისად, ორი პროგრამის ჯამში, 215.76 ქულას მოუყარა თავი და ევროპის ჩემპიონობა გაიფორმა.

ცნობისთვის, ბერულავა-მეტელკინას წყვილმა 2024 წლის ევროპის ჩემპიონატზე - ვერცხლის მედალი, ხოლო 2025 წლის ევროპის ჩემპიონატზე ბრინჯაოს მედალი მოიგო.

ტურნირის მეორე საშეჯიბრო დღეს, მოკლე პროგრამაში იასპარეზა ნიკა ეგაძემაც, რომელმაც მცირე ოქროს მედალი მოიპოვა.