ახალგაზრდული ევროპის თასი - ქართველმა ძიუდოისტებმა გუნდური პირველი ადგილი დაიკავეს

საქართველოს ძიუდოს ახალგაზრდულმა ნაკრებმა ევროპის თასზე გუნდური პირველი ადგილი დაიკავა.

ესპანეთის ქალაქ მოსტოლესში გამართულ ტურნირზე, ჩვენმა გუნდმა ჯამში 10 მედალი მოიპოვა - 4 ოქროს, 2 ვერცხლისა და 4 ბრინჯაოს.

ჩემპიონობა გიგი გიუნაშვილმა (-73 კგ.), გიორგი მუმლაძემ (-81 კგ.), ირაკლი ქავთარაშვილმა (-90 კგ.) და გიორგი ქარჩაიძემ (+100 კგ.) იზეიმეს.

გარდა ამისა, ვიცე-ჩემპიონები ლუკა თევდორაძე (-90 კგ.) და გიორგი ბენდელიანი (-100 კგ.) გახდნენ, ხოლო ბრინჯაოს მედალი მერაბ სამადაშვილმა (-66 კგ.), ნიკოლოზ კურდღელაშვილმა (-81 კგ.), შოთიკო გოჩიაშვილმა (+ 100 კგ.) და თამარ გიგოლაევმა (-48 კგ.) მოიპოვეს.