VIDEO: ბრაზილიელის გამარჯვების გოლი - სამგურალმა სეზონი გაგრასთან 3 ქულით გახსნა

წყალტუბოს სამგურალმა ეროვნული ლიგის 2026 წლის სეზონი გასვლითი გამარჯვებით დაიწყო - გაგრას 1:0 მოუგეს.

იმერელთაგან გამარჯვების გოლი 23 წლის ბრაზილიელმა შემტევმა, კლაუდიო სებოლინიამ შეაგდო. ზურაბ ჭავჭანიძის შეცდომის შემდეგ მეკარესთან ერთი-ერთზე დარჩა და, როგორც აღმოჩნდა, 3 ქულის მომტანი გოლი გაიტანა.

სებოლინია გუნდს სექტემბრის დასაწყისში შეუერთდა და მე-10 მატჩში მე-2 გოლი მიითვალა. იქამდე ბრაზილიის სერია C-ს კლუბ სამპაიო კორეაში თამაშობდა.

შედეგად, სამგურალი ცხრილში შეუერთდა ასევე 3-ქულიან სპაერს, რომელმაც ტორპედო ქუთაისი სტუმრად დაამარცხა. ტურის დანარჩენი 3 მატჩი უამინდობის გამო გადაიდო და 11 აპრილს ჩატარდება.

სამგურალი მომდევნო ტურში, 8 მარტს, იმერულ დერბიში დებიუტანტ ტყიბულის მეშახტეს სტუმრად დაუპირისპირდება.