ლეგენდარული ქართველი მძლეოსანი, მაია აზარაშვილი ევროპის კავშირ სპორტი ყველასათვის ვიცე-პრეზიდენტად აირჩიეს.
იტალიაში გამართულ UESpT-ის გენერალური ასამბლეის საარჩევნო სესიაზე, აზარაშვილი ვიცე-პრეზიდენტად დაამტკიცეს და გახდა ისტორიაში პირველი ქართველი, ვინც ამ პოსტს დაიკავებს.
მაია აზარაშვილი 1988 წლის სეულის ოლიმპიური თამაშების ბრინჯაოს მედალოსანია. მონაწილეობა აქვს მიღებული 1996 წლის ატლანტას ოლიმპიურ თამაშებშიც.
ქართველი სპორტსმენი 1988 წლის სეულის ოლიმპიური თამაშების ბრინჯაოს მედალოსანია (ესტაფეტა, 4X100 მ). სეულში მან 200-მეტრიან დისტანციაზე სპრინტშიც იასპარეზა, რა დროსაც ფინალში VII ადგილი დაიკავა. სპორტსმენმა მონაწილეობა მიიღო ატლანტის ოლიმპიური თამაშებშიც.
1988 წელს, მძლეოსნობის საერთაშორისო ფედერაციამ (IAAF), სპორტის განვითარებაში შეტანილი წვლილისთვის, აზარაშვილი ორდენით დააჯილდოვა. სპორტის რაინდის წოდების მფლობელიცაა.
