ჯეიმს ჰარდენი გაიცვალა - მისი ახალი გუნდი ცნობილია

ESPN-ის ჟურნალისტის, შამს ჩარანიას ინფორმაციით, ლოს ანჯელესს კლიპერსი და კლივლენდ კავალიერსი გაცვლაზე შეთანხმდნენ.

ჯეიმს ჰარდენი კარიერას კავალიერსში გააგრძელებს, სანაცვლოდ კლიპერსი კი დარიუს გარლანდსა და მეორე რაუნდის არჩევანს მიიღებს.

ეს 36 წლის ჰარდენის კარიერაში მე-6 გუნდი იქნება - ოკლაჰომა სიტი თანდერი (2009-2012), ჰიუსტონ როკეტსი (2012-2021), ბრუკლინ ნეტსი (2021-22), ფილადელფია სევენთისიქსერსი (2022-2023), ლოს ანჯელეს კლიპერსი (2023-2026) და ახლა უკვე კლივლენდ კავალიერსი.

2018 წლის რეგულარული სეზონის MVP ახალ გუნდში დონოვან მიჩელს შეუერთდება და მასთან ერთად შეეცდება კარიერაში პირველი ჩემპიონობა მოიპოვოს.

ბოლო დღეებში გახდა ცნობილი, რომ ჯეიმს ჰარდენს კლიპერსიდან წასვლა თავად სურდა და კალიფორნიელები მისი გაცვლის ვარიანტებს განიხილავდნენ.