ჯეკ ფლეტჩერი ჰომოფობიისთვის დაისაჯა — იუნაიტედის ფეხბურთელი ბოდიშს იხდის

მანჩესტერ იუნაიტედის ნახევარმცველ ჯეკ ფლეტჩერს ექვსმატჩიანი დისკვალიფიკაციით დაისაჯა ჰომოფობიური შეურაცხყოფის მიყენების გამო.

ინგლისის 19-წლამდელთა ნაკრების წევრმა და კლუბის ლეგენდის, დარენ ფლეტჩერის შვილმა, ოქტომბერში ბარნსლისთან გამართული მატჩის დროს წითელი ბარათი მიიღო, თუმცა მაშინ გაძევების ზუსტი მიზეზი უცნობი იყო. უეფამ დაადასტურა, რომ 18 წლის ფეხბურთელმა მეტოქეს შეურაცხმყოფელი სიტყვებით მიმართა.

თავად ფეხბურთელმა მომხდარის გამო ბოდიში მოიხადა და განაცხადა:

გულწრფელად ვწუხვარ იმ შეურაცხმყოფელი სიტყვის გამო, რომელიც თამაშის დროს გამოვიყენე. სრულიად მესმის, რომ მსგავსი ენა მიუღებელია და მატჩის დასრულებისთანავე მოვიხადე ბოდიში

ეს იყო ხასიათის წამიერი სისუსტე, რაც აბსოლუტურად არ ასახავს ჩემს რწმენასა თუ ღირებულებებს

დისკვალიფიკაციის გარდა, ფლეტჩერი 1,500 გირვანქა სტერლინგით დაჯარიმდა და ვალდებულია გაიაროს საგანმანათლებლო პროგრამა.

უეფას განმარტებით, ინციდენტი მას შემდეგ მოხდა, რაც მეტოქე ფეხბურთელი მთელი მატჩის განმავლობაში ფლეტჩერისა და მისი ოჯახის მისამართით რეპლიკებს ისროდა.

მანჩესტერ იუნაიტედის LGBTQ+ ფან-კლუბმა Rainbow Devils მიესალმა ფეხბურთელის ბოდიშს და აღნიშნა:

ჰომოფობიურ ენას ადგილი არ აქვს ფეხბურთსა ან საზოგადოებაში, მიუხედავად განზრახვისა თუ აღელვებისა.. სიტყვებს დიდი ძალა აქვთ და ისინი ადამიანს ტკივილს აყენებენ