საქართველოს 21-წლამდელთა ნაკრების ცენტრალური მცველი, ლუკა ლაცაბიძე დანიის სუპერ ლიგაში ითამაშებს.
GEO TEAM-ის ინფორმაციით, ახალგაზრდა უკანახაზელი ვეილეში 6-თვიანი მშრალი იჯარით გადავა და სეზონის ბოლოს ისევ დონეცკის შახტარის საკუთრებაში დაბრუნდება.
აღსანიშნავია, რომ ლაცაბიძის გადაყვანა იური ტაბატაძის გუნდ კადისს სურდა, მაგრამ შახტართან საბოლოო შეთანხმებას ვერ მიაღწია.
ლაცაბიძე ქართველის გარეშე არც ვეილეში იქნება - გუნდის ღირსებას 21-წლამდელთა ნაკრების კიდევ ერთი წევრი, გიორგი ტაბატაძე იცავს.
ვეილეს მიმდინარე სეზონის დანიის სუპერ ლიგაში ჩატარებულ 18 ტურში 13 ქულა აქვს აღებული და სატურნირო ცხრილის ბოლო ადგილზეა.
