ინგლისის ნაკრების კაპიტანმა ჰარი კეინმა განაცხადა, რომ გუნდს პოტენციალი აქვს კიდევ უფრო მაღალ დონეზე ითამაშოს, რათა 1966 წლის შემდეგ მსოფლიო ჩემპიონის ტიტული პირველად მოიპოვოს.
ინგლისი ნახევარფინალში ატლანტაში არგენტინას დაუპირისპირდება, მას შემდეგ, რაც მეოთხედფინალში ნორვეგიას დამატებით დროში 2-1 სძლია.
გუნდის მთავარმა მწვრთნელმა თომას ტუხელმა ნორვეგიასთან მატჩის შემდეგ უკმაყოფილება გამოთქვა და აღნიშნა, რომ გუნდმა ბევრი ტექნიკური შეცდომა დაუშვა, ნელი იყო და რომ გაუმართლა.
თავის მხრივ, ჰარი კეინი მწვრთნელის იმედგაცრუებას იზიარებს და თვლის, რომ გუნდმა ვარჯიშებზე ნაჩვენები პოტენციალი მოედანზე სრულად ჯერ კიდევ ვერ გამოავლინა.
სხვაგვარი პოზიცია აქვს ჯუდ ბელინგემს, რომელმაც აღნიშნა, რომ პირობები ძალიან რთული იყო და მეტოქე გუნდი ერლინგ ჰალანდის, მარტინ ოდეგორისა და სხვა ვარსკვლავების შემადგენლობით, ძალიან ძლიერი.
