ნორვეგიული და ინგლისური ავიაკომპანიების სახალისო დაპირისპირება

ინგლისისა და ნორვეგიის ეროვნული ნაკრებების მსოფლიო ჩემპიონატის მეოთხედფინალურ დაპირისპირებას ორი ცნობილი ავიაკომპანიის დამსახურებით საკმაოდ მოულოდნელი და სახალისო გაგრძელება მოჰყვა.

მატჩის დაწყებამდე British Airways-მა და Norwegian Air-მა სოციალურ ქსელში ერთმანეთთან კონტაქტი დაიწყეს, რასაც საბოლოოდ საინტერესო ფსონის დადება მოჰყვა.

შეთანხმების თანახმად, ის ავიაკომპანია, რომლის ეროვნული გუნდიც მატჩს წააგებდა, ვალდებული იყო თავისი ინსტაგრამის გვერდზე ლოგო მეტოქე ავიაკომპანიის ლოგოთი შეეცვალა.

ინგლისის ნაკრებმა ჯუდ ბელინგემის მიერ გადამწყვეტი გოლების წყალობით ნორვეგიას დაძაბულ ბრძოლაში სძლია, რამაც ინგლისელებს მსოფლიო ჩემპიონატის ნახევარფინალის საგზური მოუპოვა.

დაპირებისამებრ, Norwegian Air-მა თავისი სიტყვა არ გატეხა და მარცხის აღიარების ნიშნად 24 საათის განმავლობაში საკუთარი გვერდი მეტოქის იდენტობით გააფორმა.