ინგლისის ნაკრების შემტევმა, ენტონი გორდონმა, კონგოს დემოკრატიულ რესპუბლიკასთან მატჩის შემდეგ თანაგუნდელი ჰარი კეინი შეაქო და ის ფეხბურთის ისტორიაში საუკეთესო მოთამაშეს, ლიონელ მესის შეადარა.
მუნდიალის 1/16 ფინალში კეინის გვიანდელმა დუბლმა ინგლისი სენსაციურ გამოვარდნას გადაარჩინა, ორივე საგოლე გადაცემა კი მოედანზე შეცვლაზე შემოსულმა გორდონმა შეასრულა.
ამ დუბლის წყალობით, კეინს მიმდინარე მსოფლიო ჩემპიონატზე უკვე 5 გოლი დაუგროვდა, რითაც ერლინგ ჰალანდს გაუტოლდა და ბომბარდირთა დავებში მხოლოდ მესისა და კილიან მბაპეს ჩამორჩება.
„კეინი ისეთ სეზონს ატარებს, რომელიც ისტორიაში მხოლოდ ლეო მესის თუ გაუუმჯობესებია. ეს ყველაფერი მის უმაღლეს კლასზე მეტყველებს. ჰარი ვარჯიშებზე ყოველთვის მაქსიმუმს აკეთებს, არცერთ დეტალს არ ტოვებს და თითოეული ჩვენგანისთვის დიდი შთაგონებაა“, - განაცხადა გორდონმა, რომელმაც ხაზი გაუსვა ბაიერნში კეინის მიერ გატანილ 61 გოლსაც. ინგლისის ნაკრები მერვედფინალში მექსიკასთან მატჩისთვის ემზადება, სადაც კეინის საგოლე ალღო გუნდისთვის კვლავ გადამწყვეტი იქნება.
