ხესე: "მბაპეს მე ვუთხარი, რომ პსჟ-ში ოქროს ბურთს ვერ მოიგებდა"

რეალის ექს-ფეხბურთელმა, ხესე როდრიგესმა გაიხსენა, რომ კილიან მბაპეს მადრიდში გადასვლა მან ურჩია.

ხესე და მბაპე ერთად პსჟ-ში გადაიკვეთნენ, სადაც ესპანელი რეალიდან 2016 წელს გადავიდა.

„როცა პსჟ-დან მივდიოდი, რეალს მბაპეს შეძენა უნდოდა და კილიანმა მკითხა, როგორია რეალში თამაში?

კითხვაზე კითხვით ვუპასუხე: "რაზე ოცნებობ?", მან მითხრა, რომ ოქროს ბურთის მოგებაზე. ამის პასუხად, ვუთხარი:

„მაშინ რეალში უნდა წახვიდე. აქ ოქროს ბურთს ვერ მოიგებ", მან მიპასუხა - კარგიო." - აღნიშნა ესპანელმა.

საინტერესოა, რომ 2025 წლის ოქროს ბურთის მოგების მთავარ ფავორიტად სწორედ პსჟ-ს შემტევი, უსმან დემბელე მოიაზრება.