მბაპე: "დეტალებს რომ არ ჩაუღრმავდე, შეიძლება იფიქრო, რომ წყეული ლუზერი ვარ"

კილიან მბაპემ ისაუბრა, თუ რა რეაქცია ჰქონდა ჩემპიონთა ლიგის მოგებაზე.

- პსჟ-ს მიერ ჩემპიონთა ლიგის მოგების შემდეგ, პირველი, რაც საზოგადოებამ თქვა - მბაპე განრისხებული იქნებაო. როგორი იყო შენი რეაქცია?

ამ გუნდში მეგობრები მყავს და ყველამ, ვინც მიცნობს, იცის, რომ მეგობრობა ჩემთვის ძალიან მნიშვნელოვანია. შენთვის სულერთი ვერ იქნება გუნდი, რომელშიც ბევრი მეგობარი გყავს, თუნდაც ეს გუნდი პსჟ არ ყოფილიყო.

ჩემი ისტორია იქ დასრულდა და მე მწუხარების გარეშე წავედი. ისიც კი, რაც არასწორად გავაკეთე, ჩემი ისტორიის ნაწილია. როცა იქ ვთამაშობდი, გამარჯვებასთან ძალიან ახლოს ვიყავით, ორჯერ ვითამაშეთ ნახევარფინალში და ერთხელ ფინალში. თუმცა, ვერ მოვიგეთ და ჩემი დროც დასრულდა. რეალმა დამიძახა, რომელიც ყოველთვის ჩემი ოცნება იყო და იქ უფრო ადრეც შემეძლო გადასვლა.

- მოდი უბრალოდ ვთქვათ, რომ კარმა შენს მხარეს არ იყო.

რა თქმა უნდა, ყველაფერი სწრაფად რომ გაანალიზო, შეიძლება იფიქრო, რომ წყეული ლუზერი ვარ (იცინის). პსჟ ძლიერდებოდა, თავის მიზანს უახლოვდებოდა. დორტმუნდთან ნახევარფინალში ისე წავაგეთ, რომ კარში 40-ჯერ დავარტყით, 8-ჯერ ბურთი ძელს მოხვდა. სიმართლე გითხრათ, ახლაც ვერ ვერ ვხსნი, რატომ ვერ გავუმკლავდით საქმეს.

ლუის ენრიკე პსჟ-ში უკვე ორი წელია მუშაობს, გუნდი კარგი ტრანსფერების ხარჯზე ძალიან გაძლიერდა, პირველ რიგში პაჩოს მოსვლით.

ლა ლიგის ტიტული ბარსელონას დავუთმეთ, ბარსას საოცარი წელი გამოუვიდა. ჩვენ კი ისეთ მატჩებშიც გავუშვით გამარჯვებები ხელიდან, რომელიც თითქოს მარტივი ჩანდა. დეტალებს რომ ჩაუღრმავდე, ბევრი ახსნა არსებობს." - აღნიშნა რეალის ფორვარდმა.