მადრიდის ატლეტიკოს კაპიტანმა კოკემ ჩემპიონთა ლიგაზე ლივერპულთან 1:2 წაგებული მატჩი შეაფასა და გუნდის არგენტინელი თავდამსხმელი, ხულიან ალვარესი დაიცვა.
ესპანელმა ნახევარმცველმა აღნიშნა, რომ ატლეტიკომ პირველი ტაიმი კარგად ჩაატარა, თუმცა მეორე ნახევარში ინგლისელების მაღალ პრესინგს ვეღარ გაუმკლავდა. მიუხედავად მარცხისა, კოკემ გაიხსენა, რომ გასულ სეზონშიც ტურნირი წაგებით დაიწყეს, მაგრამ საბოლოოდ ნახევარფინალამდე მივიდნენ.
მატჩის შემდეგ ჟურნალისტების მთავარი ინტერესის საგანი მაინც ხულიან ალვარესი იყო. ზაფხულში არგენტინელი ბარსელონაში გადასვლას ითხოვდა, თუმცა ტრანსფერი ჩაიშალა და ის მადრიდში დარჩა. ამ თემაზე საუბრისას ატლეტიკოს კაპიტანმა თანაგუნდელს მხარი ღიად დაუჭირა.
ყველანი ძალიან გადაღლილები ვართ, განსაკუთრებით კი ის. უნდა ვაცადოთ ფეხბურთის თამაში, რომ საკუთარი საქმისგან სიამოვნება მიიღოს. ცოტა ხნით ყველა უნდა შეეშვათ და თავი დაანებოთ, რადგან საკმაოდ დამღლელი ზაფხული ჰქონდა. მიეცით საშუალება, რომ მოედანზე საკუთარი მაქსიმუმი აჩვენოს
