ცნობილი ხდება, რომ მალე ხვიჩა კვარაცხელიას აგენტი მამუკა ჯუღელი ნაპოლის პრეზიდენტ აურელიო დე ლაურენტისს შეხვდება. კლუბი მზადაა, რომ მოთამაშეს ხელფასი გაუსამმაგოს, თუმცა ეს შეიძლება საკმარისი არ აღმოჩნდეს.

ქართველი შემტევი ბარსელონას რადარზეა და არ არის გამორიცხული, რომ ჯუღელმა დე ლაურენტისთან შეხვედრის დროს ეს საკითხიც წამოჭრას. იტალიელები ანაზღაურების სახით 4 მილიონი ევროს შეთავაზებას აპირებენ, როცა კვარას ახლანდელი ხელფასი 1.5 მილიონია, თუმცა მოთამაშის გარემოცვა 5 მილიონს მოითხოვს.

რაც შეეხება ბარსელონას, კლუბში ცვლილებებია. ჩავიმ, რომელიც გუნდიდან მიდიოდა, გადაწყვიტა, რომ დარჩეს და მომდევნო სეზონშიც ბლაუგრანას უთავკაცოს. ესპანელს კი კვარაცხელია მოსწონს და ეს კატალონიელების ქართველისადმი სურვილს კიდევ უფრო ზრდის.

ასეთი დიდი გუნდის ინტერესი და ის ფაქტი, რომ ნაპოლი მომდევნო სეზონში ჩემპიონთა ლიგაზე ვერ იასპარეზებს, კვარაცხელიასთვის ორი მნიშვნელოვანი ფაქტორი შეიძლება აღმოჩნდეს. ხვიჩას ნაპოლიში დარჩენა ასეთი საეჭვო აქამდე არ ყოფილა. 

ქართველის მომავლის შესახებ მეტი დეტალი მომავალ კვირებში გაირკვევა. 

აღნიშნული ინფორმაცია La Gazzetta dello Sport-მა გაავრცელა.