ჩემპიონთა ლიგის მე-8 ტურის მატჩში, პსჟ-სა და ნიუკასლს შორის, ხვიჩა კვარაცხელიამ ტრავმა მიიღო და მოედნის დატოვება მოუწია.
ქართველი შემტევი 22-ე წუთზე დაშავდა მას შემდეგ, რაც ორთაბრძოლისას ენტონი ელანგამ კოჭში მოარტყა და სერიოზული ტკივილი მიაყენა. ხვიჩა დუემ შეცვალა.
მოედნიდან გასვლამდე, კვარამ ასისტის გაკეთება მოასწრო - მე-8 წუთზე, მარჯვენა ფლანგიდან უტევდა, ბურთი ვიტინიას გადააწოდა და პორტუგალიელმა დაბალ კუთხეში შეაგდო.
ხვიჩასთვის ჩემპიონთა ლიგის მიმდინარე სეზონში მე-7 შეხვედრაში შესრულებული მე-6 საგოლე მოქმედებაა - 3 გოლი და 3 ასისტი.
პსჟ-სა და ნიუკასლის მატჩი ფრედ 1:1 დასრულდა, რითაც ორივე მათგანი ლიგის ფაზის ტოპ 8 გუნდს მიღმა დარჩა და 1/8 ფინალში მოსახვედრად ბრძოლას პლეი-ინში გააგრძელებენ.
