კვარას სალაჰის იდეალურ შემცვლელად მოიაზრებენ

ლივერპულის ყოფილი ფორვარდი, ემილ ჰესკი, მიიჩნევს, რომ პარი სენ-ჟერმენის ვარსკვლავი ხვიჩა კვარაცხელია მოჰამედ სალაჰის იდეალური შემცვლელი იქნებოდა.

მიმდინარე ზაფხულში მერსისაიდელებმა ეგვიპტელი თავდამსხმელი დაკარგეს, რომელმაც ენფილდზე დაუვიწყარი 9 წელი გაატარა.

ემილ ჰესკის თქმით, კვარაცხელია ის ფენომენალური ფეხბურთელია, რომელიც გუნდს ესაჭიროება. ჰესკი იხსენებს, რომ ხვიჩა ჯერ კიდევ ნაპოლიში შეამჩნია და ქართველმა მასზე მაშინვე დიდი შთაბეჭდილება მოახდინა.

ჰესკის იდეალური შემადგელობა სატრანსფერო ფანჯრის დასაწყისში ასე ნაწილდებოდა: მარცხენა ფლანგზე კვარაცხელია, მეორე ფლანგზე რიო ნგუმოჰა ან ენტონი გორდონი, ხოლო ცენტრში ალექსანდერ ისაკი და უგო ეკიტიკე.

ჰესკი აღნიშნავს, რომ სალაჰის ზუსტად ჩანაცვლება შეუძლებელია, რადგან მან 9 წლის განმავლობაში წარმოუდგენელი შედეგები აჩვენა, თუმცა კვარაცხელიას მოყვანა გუნდს იმავე ინტენსივობას, ენერგიასა და სანახაობას შესძენს, რაც გულშემატკივრებს ძალიან სჭირდებათ.