ბარსელონას ხელმძღვანელობამ სპორტულ კომიტეტთან მნიშვნელოვანი შეხვედრა გამართა, სადაც სატრანსფერო ფანჯრის მიწურულს გადასადგმელი მთავარი ნაბიჯები განიხილეს.
მთავარი თემა ხულიან ალვარესის ტრანსფერია. კლუბის პოზიცია მტკიცეა: ბარსელონას ან არგენტინელი ფორვარდის დამატება სურს, ან ზაფხულში სხვა ფეხბურთელს საერთოდ არ დაიმატებს.
მიუხედავად იმისა, რომ ივნისის ბოლოს მადრიდის ატლეტიკომ 100-მილიონიანი შეთავაზება უარყო, ჰანსი ფლიკისა და დეკუს მთავარ სამიზნედ კვლავ ალვარესი რჩება. თუ გარიგება ახლა ვერ შედგება, კლუბი მზადაა ოპერაციას იანვარში დაუბრუნდეს.
რაც შეეხება შემადგენლობის წმენდასა და მომავალ ტრანსფერებს, მარკ კასადომ და ჰექტორ ფონტმა კლუბიდან წასვლაზე თანხმობა განაცხადეს და ახლა შესაბამის შეთავაზებებს განიხილავენ. განსხვავებული საკითხია ალეხანდრო ბალდეს მომავალი, რომლის მდგომარეობაც ელჩესთან მატჩის განაცხადიდან ამოვარდნის შემდეგ ეჭვქვეშ დადგა.
ფეხბურთელს დარჩენა და თავის დამტკიცება სურს, ამიტომ კლუბი მას წასვლას არ აძალებს და ყველაფერი თავად ბალდეს გადაწყვეტილებაზეა დამოკიდებული. თუ ის წავა, ბარსელონა მარცხენა ცენტრალური მცველის პოზიციის გასაძლიერებლად ლაიფციგის მცველის, კასტელო ლუკევას დამატებას შეეცდება.
