იამალი ბარსაში ბედნიერი აღარაა - უკმაყოფილების ემოციური მიზეზი

ბარსელონას ახალგაზრდა ვარსკვლავის, ლამინ იამალის გარშემო ახალი დებატები დაიწყო.

ელჩესთან დამაჯერებელი გამარჯვების (5:0) მიუხედავად, მატჩის შემდეგ ფეხბურთელის სერიოზულმა და უკმაყოფილო სახემ საზოგადოების ყურადღება მიიქცია.

თავიდან გავრცელდა ვარაუდები, რომ იამალის განწყობა შესაძლოა მისმა თამაშმა ან შეცვლამ გამოიწვია, თუმცა ცნობილმა ესპანელმა ექსპერტმა და ჟურნალისტმა, ხორდიმ, სრულიად სხვა მიზეზი დაასახელა. მისი თქმით, ახალგაზრდა ფეხბურთელის ემოციური მდგომარეობა კლუბში მის უახლოეს მეგობრებთან არსებულ გაურკვევლობას უკავშირდება.

ხორდის განცხადებით, იამალი ძლიერ განიცდის იმ ფაქტს, რომ მისი სამი უახლოესი მეგობარი და თანაგუნდელი - ალეხანდრო ბალდე, მარკ კასადო და ჰექტორ ფონტი გუნდის დატოვების პირას არიან.

იამალი, რომელიც მათ ძმებად მიიჩნევს, იმედოვნებდა, რომ მათთან ერთად შესანიშნავ სეზონს ჩაატარებდა, თუმცა ამ ფეხბურთელების გარშემო შექმნილმა გაურკვევლობამ მასზე მძიმე ემოციური კვალი დატოვა.

მიუხედავად იმისა, რომ ეს ინფორმაცია ოფიციალურად არ დადასტურებულა, კატალონიურ მედიაში ეს თემა ერთ-ერთ მთავარ განსახხილველ საკითხად იქცა.