სიახლეები
სეტანტა
სპორტის გურუ
ქვიზები
17 სთ წინ · 0 წთ წასაკითხად
-
Aa
+
ფონტის ზომა
რომელუ ლუკაკუმ ბელგიურ პოდკასტში სხვადასხვა საკითხთან ერთად ანტონიო კონტესთან მუშაობაზე ისაუბრა. კონტესთან ურთიერთობის ასახსნელად ლუკაკუმ შორიდან დაიწყო.
"როცა ინგლისში ვთამაშობდი, ჩემზე ამბობდნენ: "ის ზარმაცია, არ ვარჯიშობს, ლიდერი არ არის, ეგოისტია, არ იცის როგორ გააჩეროს ბურთი". შემდეგ 2 წელი ინტერში ვითამაშე და უკვე ამბობდნენ: "ის ისევ კარგად თამაშობს, მსოფლიოში საუკეთესო მოთამაშეა". ინგლისში უნდოდათ, რომ სულ საჯარიმოში ვყოფილიყავი. ისინი ხედავდნენ ჩემნაირ ფიზიკურ მოთამაშეს და ფიქრობდნენ: "ეს ახალი დროგბაა", მაგრამ მე არ ვარ ასეთი. დიდიე კარისგან ზურგით თამაშობდა, მას ბურთის შენარჩუნება ყველგან შეეძლო, მიუხედავად იმისა, თუ სად თამაშობდა. ეს ჩემი სტილი არ არის. მე არ ვარ მოთამაშე, რომელიც ბურთს ინარჩუნებს. მე სივრცეებს ვუტევ.
როცა იტალიაში ჩავედი, მახსოვს, ანტონიო კონტემ პირდაპირ მითხრა: "მისმინე, ჩემს სათამაშო სისტემაში ბურთის დიდხანს გაჩერება არ შეგიძლია, შენ ის მაშინვე უნდა გასცე, არ არის საჭირო ლაუტაროსავით ითამაშო." იმ მომენტში მე და ლაუტარომ ვიცოდით, რომ ერთმანეთისთვის პასი უნდა მიგვეცა, ლაუტაროს თვისებები კი ჩემსას იდეალურად ერგებოდა, ისევე როგორც კონტეს სისტემა.
ჩვენ მუდმივად ვვარჯიშობდით პასებში და რაღაც მომენტში ზუსტად ვიცოდი ლაუტარო, სანჩესი ან ნებისმიერი იმ პოზიციაზე მოთამაშე სად იქნებოდა. ახლა იგივე ხდება კვარაცხელიასთანაც. ეს არის ის, რასაც კონტე აკეთებს. ის მოთამაშეებს შორის პარტნიორობებს ჰქმნის. იგივე შემთხვევაა მაკტომინეისთანაც, მასაც შეუძლია ამის გაკეთება." - განაცხადა ბელგიელმა თავდამსხმელმა.
სერია ა-ს მიმდინარე სეზონში რომელუ ლუკაკუს ანგარიშზე 3 გოლი და 4 საგოლე გადაცემაა, ხვიჩა კვარაცხელიას აქტივში კი 3 გოლი და 2 ასისტია.
თ
თაზო ჩარკვიანი
კომენტარები