კვარაცხელია ანჟესთან მატჩს მცირე დისკომფორტის გამო გამოტოვებს

ხვიჩა კვარაცხელია ანჟესთან მატჩს კუნთზე მცირე დისკომფორტის გამო გამოტოვებს.

Geo Team-ის ინფორმაციით, ფეხბურთელს წინა კუნთზე მცირე დისკომფორტი ჰქონდა, თუმცა საგანგაშო არაფერია - მატჩის შემდგომ პსჟ-ს 2-დღიანი დასვენება ექნება და ორშაბათიდან კვარა გუნდთან ერთად ვარჯიშს სრული დატვირთვით დაიწყებს.

იმის ფონზე, რომ კლუბმა წინასასეზონო შეკრება ვერ გაიარა, პსჟ-ს არ სურს არანაირი რისკი ფეხბურთელის ჯანმრთელობასთან დაკავშირებით გრძელი სეზონის ფონზე - სამწვრთნელო შტაბმა ხვიჩა კვარაცხელიას ანჟერთან დასვენების გადაწყვეტილება სწორედ ამიტომ მიიღო.

ხვიჩა კვარაცხელია ლიგა 1-ის პირველ ტურში ნანტთან სათადარიგო სკამზე იყო და თამაშში 78-ე წუთზე ჩაერთო, პარიზელებმა კი ვიტინიას გოლით 0-1 მოიგეს.

პსჟ-სა და ანჟეს მატჩი დღეს 22:45 საათზე დაიწყება.