ლა მასიადან კატარში - 18 წლის მოთამაშე ბარსელონას ტოვებს

იტალიელი ჟურნალისტის, ფაბრიციო რომანოს ექსკლუზიური ინფორმაციით, ბარსელონას 18 წლის ტალანტმა, პაუ პრიმმა კატარიდან მნიშვნელოვანი შეთავაზება მიიღო.

მოლაპარაკებების შემდეგ მხარეებმა სიტყვიერ შეთანხმებას მიაღწიეს და საყრდენი ნახევარმცველი კარიერას ალ სადში გააგრძელებს. 18 წლის ესპანელი ბარსელონას მეორე გუნდისა და ესპანეთის 19-წლამდელთა ნაკრების წევრია.

ბარსელონას კიდევ ერთი შეთავაზება აქვს საუდის არაბეთიდან. ალ იტიჰადი ბარსა B-ს კაპიტნის, უნაი ერნანდესის სანაცვლოდ 5 მილიონ ევროს იხდის.

მხარეებს შორის ამ საკითხზე მოლაპარაკებები მიმდინარეობს და შესაძლოა ბარსელონამ მეორე გუნდის ერთბაშად ორი ლიდერი დაკარგოს.