ლივერპული - არსენალი [სავარაუდო შემადგენლობები]

ინგლისის პრემიერ ლიგის მე-9 ტურში ლივერპული ენფილდზე არსენალს მიიღებს.

შუა კვირაში ლიგის თასზე ორივე გუნდმა პენალტების სერია ითამაშა. მერსისაიდელებმა გიორგი მამარდაშვილის დახმარებით ჩელსი დაამარცხეს, ლონდონელები კი ქვედალიგელ ფლიტვუდ თაუნთან დამარცხდნენ.

მანჩესტერ სიტის ბრაიტონთან მარცხის შემდეგ, არსენალს ლივერპულთან მინიმუმ ქულის აღების შემთხვევაში შანსი აქვს სატურნირო ცხრილში ერთპიროვნულად გალიდერდეს.

მერსისაიდელები კი გამარჯვების შემთხვევაში ჩელსის გადაუსწრებენ და ცხრილში მე-4 ადგილზე გადავლენ.

სავარაუდო შემადგენლობები (პრემიერ ლიგის ოფიციალური საიტი)

ლივერპული - ალისონი; არაუხო, ჟაკე, ვან დაიკი, კერკეზი; გრავენბერხი, მაკ ალისტერი; ბარკოლა, ვირცი, გაკპო; ისაკი

არსენალი - რაია; ტიმბერი, კონსა, გაბრიელი, კალაფიორი; რაისი, გიმარაესი; მადუეკე, ოდეგორი, ეზე; ჰავერცი

ლივერპულის მთავარმა მწვრთნელმა ანდონი ირაოლამ დაადასტურა, რომ დომინიკ სობოსლაისა და ვიქტორ მუნიოსს, რომლებმაც ბოლო ორი მატჩი გამოტოვეს, მოახლოებულ შეხვედრაში მონაწილეობის შანსი აქვთ.

თუმცა, როგორც ჩანს, მათი ჯანმრთელობის გარისკვის განსაკუთრებული აუცილებლობა არ არსებობს. ფეხბურთელები, რომლებმაც პრემიერ ლიგის ბოლო მატჩში ძირითად შემადგენლობაში ითამაშეს და გაიმარჯვეს, კვლავ ხელმისაწვდომნი არიან.

შესაბამისად, დიდი ალბათობით, ირაოლა იმავე სასტარტო თერთმეტეულს დაეყრდნობა.

ლონდონურ კლუბში საკადრო მდგომარეობასთან დაკავშირებით არაერთი კითხვის ნიშანია. გუნდის მთავარმა მწვრთნელმა მიკელ არტეტამ ნონი მადუეკეს შესაძლო მონაწილეობაზე საუბრისას განაცხადა, რომ „ჯერ არ ვიცით“, შეძლებს თუ არა ფეხბურთელი თამაშს.

ამავდროულად, დეკლან რაისი, რიკარდო კალაფიორი და ხრისტოს ცოლისი ვარჯიშობენ და, არტეტას თქმით, „თუ ყველაფერი კარგად იქნება“, შეხვედრისთვის მზად უნდა იყვნენ.

მადუეკეს შესაძლო არყოფნა არსენალისთვის დამატებითი პრობლემა იქნება, რადგან მაქს დაუმენი დისკვალიფიცირებულია.

ასევე შესაძლებელია, რომ ვიქტორ გიოკერესის ნაცვლად ძირითად შემადგენლობაში კაი ჰავერცი დაბრუნდეს. გარდა ამისა, ჯერ გაურკვეველია, ვის მიანიჭებს არტეტა უპირატესობას - ბენ უაიტს თუ იურიენ ტიმბერს.

ლივერპულისა და არსენალის მატჩი 20:30 საათზე დაიწყება.