ინგლისის ლიგის თასის 1/8 ფინალში ლივერპულმა საკუთარ მოედანზე ლონდონის ჩელსი პენალტების სერიაში დაამარცხა და შემდეგ ეტაპზე გავიდა.
მატჩის მთავარი გმირი გიორგი მამარდაშვილი გახდა, რომელმაც ძირითადი დროის (1:1) განმავლობაში რამდენიმე მნიშვნელოვანი სეივი შეასრულა, პენალტების სერიაში კი ემანუელ ემეგას დარტყმული მოიგერია.
მატჩის შემდეგ წამყვანმა სპორტულმა გამოცემებმა და ფან-გვერდებმა ქართველი მეკარის თამაში დადებითად შეაფასეს:
Anfieldagenda:
ძირითად დროში მის კარში დანიშნულ ერთადერთ პენალტზე ვერაფერი გააწყო, თუმცა შეხვედრის დარჩენილი ნაწილი ბრწყინვალედ ჩაატარა. მათ შორის, მეორე ტაიმში რამდენიმე რთული მოგერიება შეასრულა და ლივერპული თამაშში დატოვა.
Rousingthekop:
ფეხით თამაშისას ძალიან დაუდევარი იყო. მეორე ტაიმში უწყინარი უკან დაბრუნებული პასის შემდეგ, ბურთი ფეხქვეშ ლამის გაატარა... მან შეცდომა ახლო კუთხეში მარკო პალესტრას დარტყმულის შესანიშნავი მოგერიებით გამოასწორა და პენალტების სერიაში უმნიშვნელოვანესი სეივი შესასრულა, რითაც ლივერპული თამაშში დატოვა.
Thisisanfield:
მორგან როჯერსის პენალტის მოგერიების შანსი არ ჰქონია, თუმცა შეტევაში მოთამაშე ნახევარმცველს საკმაოდ კარგი ბურთი აუღო. ემანუელ ემეგას წინააღმდეგ ნახტომში გადამრჩენელი მოგერიება შეასრულა და საკუთარ გუნდს პენალტების სერიის მოსაგებად საფუძველი შეუქმნა.
