ლუის ენრიკე: „მოდუნება? პირველი თამაში დაძაბული და თანაბარი იყო"

პსჟ-ს მთავარმა მწვრთნელმა, ლუის ენრიკემ, ჩელსისთან საპასუხო მატჩის წინ თავის მოლოდინზე ისაუბრა.

პარიზელებმა პირველ შეხვედრაში ლონდონელები 5:2 დაამარცხეს, თუმცა ესპანელი სპეციალისტი ფრთხილობს. საპასუხო მატჩი დღეს, 17 მარტს, ლონდონში გაიმართება.

კვარა სტემფორდ ბრიჯზე, სიტი ქამბექის იმედად — ჩემპიონთა ლიგაზე საპასუხო 1/8 ფინალები იწყება

„აშკარაა, რომ ჩვენ მხოლოდ პირველი მატჩი ვითამაშეთ, წინ კი მეორეა. საპასუხო შეხვედრა ყოველთვის განსხვავებულია, რადგან ერთ გუნდს გამოთიშვა ემუქრება და ვითარების შეცვლა სურს. ჩვენ მზად ვართ და მიჩვეულები ვართ ასეთ მატჩებს. გვინდა, ჩვენი საუკეთესო მხარე ვაჩვენოთ“.

ოთხი დაპირისპირება გვაქვს, სადაც სხვაობა სამი გოლია. ვნახოთ, ამ უპირატესობის მქონე გუნდებიდან რამდენი გავა შემდეგ ეტაპზე. ფეხბურთი მოულოდნელობებით არის სავსე. ჩელსი წინააღმდეგ პირველ მატჩში დიდხანს თანაბრად მივდიოდით, თამაში ძალიან დაძაბული იყო. მზად ვართ, სამშაბათსაც ასე ვითამაშოთ. ასეთ შეხვედრებს შევეჩვიეთ. თამაშის საკვანძო მომენტების მართვა უნდა ვისწავლოთ.

„მოდუნება? ჩემპიონთა ლიგაზე ეს შეუძლებელია. ჩელსი ექნება მომენტების შექმნის შანსი, მაგრამ ამ ტურნირზე მოდუნებული ვერ იქნები. მოგვიწევს რთული მომენტების გამოყენება თამაშის მიმდინარეობის შესაცვლელად. ასეთი მატჩების გაკონტროლება შეუძლებელია. სავარაუდოდ, ყველაფერი პირველი თამაშისგან სრულიად განსხვავებულად იქნება“, – განაცხადა ენრიკემ.