პსჟ-ის მთავარმა მწვრთნელმა, ლუის ენრიკემ, ჩემპიონთა ლიგის საპასუხო მატჩში მონაკოსთან დაფიქსირებული ფრის (2:2, ორი მატჩის ჯამში 5:4) შემდეგ გუნდის თამაშსა და სამომავლო პერსპექტივებზე ისაუბრა.
„პირველ ტაიმში გაგვიჭირდა იმ გუნდის წინააღმდეგ, რომელიც ჩვენსავე სტილში და იმავე დონეზე თამაშს ცდილობდა. ჩვეულებრივ, ჩვენ უფრო მეტ სტაბილურობასა და სიზუსტეს ვაჩვენებთ, თუმცა ვფიქრობ, რომ პირველი ტაიმი თანაბარი იყო.
შესვენების შემდეგ ტაქტიკა შევცვალეთ, უფრო ზუსტად ავთამაშდით და მიმაჩნია, რომ შემდეგ ეტაპზე გასვლა დავიმსახურეთ. ეს რთული იყო, რადგან მატჩის დასაწყისი არ გამოდგა მარტივი. კმაყოფილები უნდა ვიყოთ იმით, რაც გავაკეთეთ და იმითაც, რომ საწყის წუთებში არსებული რთული მომენტები გადავლახეთ“.
გუნდის მზადყოფნაზე უფრო ძლიერი მეტოქეებისთვის [პსჟ-ს ან ბარსელონა შეხვდება, ან ჩელსი]:
„მხოლოდ ერთის თქმა შემიძლია: თუ არსებობს ჩემპიონთა ლიგაზე გუნდი, რომელსაც ყველაზე ძლიერ მეტოქეებთან მოუწია თამაში, ეს ჩვენ ვართ. რა თქმა უნდა, გვსურს მომატება, თუმცა ძალიან ძლიერი მოწინააღმდეგის წინააღმდეგ ვითამაშეთ. თუ არსებობს გუნდი, რომელიც მზადაა მომდევნო მეტოქეებისთვის, ეს ჩვენ ვართ“. — აღნიშნა ესპანელმა სპეციალისტმა.
