ლუკას ტრეხოს ტრაგედია

არგენტინელი ფეხბურთელი ლუკას ტრეხოს უდიდესი ტრაგედია..

ვენესუელაში მომხდარი მძლავრი მიწისძვრების შემდეგ, მაშველებმა ნანგრევებში მისი მეუღლის, იანინა მარანელასა და ორი მცირეწლოვანი შვილის - 7 წლის აარონისა და 5 წლის აინჰოას ცხედრები იპოვეს. საშინელი ამბის გაგების შემდეგ, კლუბ მარიტიმო დე ლა გუაირას მცველი შოკურ მდგომარეობაშია და საავადმყოფოში სედატიური საშუალებებით გონებადაკარგული იმყოფება.

ფეხბურთელის დამ, კარენ ტრეხომ არგენტინულ მედიასთან საუბარში აღნიშნა, რომ ლუკასი 74 საათის განმავლობაში საკუთარი ხელით წმენდდა ნანგრევებს და ოჯახის გადარჩენის იმედს ბოლო წუთამდე არ კარგავდა. და დახმარებას ითხოვს, რათა არგენტინიდან ოჯახის წევრებმა ვენესუელაში ჩასვლა სასწრაფოდ მოახერხონ. მისი თქმით, სპორტსმენი სრულიად მარტოა, ცხედრების კრემაცია კი უახლოეს პერიოდში იგეგმება.

ვენესუელაში მომხდარმა სტიქიურმა უბედურებამ, რომელიც ქვეყნის ისტორიაში უმძიმესია, ბოლო მონაცემებით 1 400-ზე მეტი ადამიანის სიცოცხლე შეიწირა, 3 000-ზე მეტი კი დაშავებულია. სამძებრო სამუშაოების პარალელურად, მსხვერპლთა რაოდენობა, სამწუხაროდ, კიდევ უფრო იზრდება.