კონორ მაკგრეგორმა სოციალურ ქსელში პოსტი გამოაქვეყნა და გამოაცხადა, რომ ირლანდიის საპრეზიდენტო არჩევნებში საკუთარ კანდიდატურას ხსნის.
"ირლანდიელებო, ჩემო ძვირფასო მეგობრებო,
ახლახანს გულწრფელად და გულით გამოვაცხადე, რომ სურვილი მქონდა კენჭი მეყარა ირლანდიის პრეზიდენტის არჩევნებში.
მე ძალიან ვნებით განწყობილი გეილი ვარ და დიდ სიამაყეს ვგრძნობ ჩვენი ქვეყნის მიმართ. მსოფლიო არენაზე ვაჩვენე ირლანდიური მებრძოლი სული და ჩვენი ადგილი დამსახურებულად დავამკვიდრე საუკეთესოებთან ერთად.
უსაზღვროდ მადლიერი ვარ იმ მხარდაჭერისა და წახალისებისთვის, რაც მივიღე კუნძულის მასშტაბით ჩვენი აგიტაციისას, როდესაც შევხვდი და ვისაუბრე „დავიწყებულ ირლანდიელებთან“, რომლებიც თავს მიტოვებულად და უყურადღებოდ გრძნობენ მმართველი "ვოუქ" პოლიტიკისგან.
გასულ ოთხშაბათს ნიუ-იორკში ჩავედი, სადაც მრავალი ირლანდიელი ცხოვრობს, ვინც ბედნიერებისკენ სვლის გზაზე საკუთარ ოცნებებს გაჰყვა, რათა ღირსეულად მეხსენებინა 9/11-ის ტრაგიკული ტერორისტული თავდასხმები და ამერიკის ადმინისტრაციასთან მემსჯელა ირლანდიისთვის ჩემს მიზნებზე. ამჟამად ისევ ამერიკაში ვიმყოფები და დავესწრები შეხვედრებს, რაც საბოლოოდ ირლანდიისთვის ახალ სამუშაო ადგილებად გარდაიქმნება.
ირლანდია ბოლო წლებში საგრძნობლად შეიცვალა, თუმცა შეზღუდულია მოძველებული კონსტიტუციის ჩარჩოებით, რომელსაც ოირაქტასის მთავარი პარტიები შერჩევით იცავენ და იყენებენ, რათა არ დაიშვას ჭეშმარიტი დემოკრატიული საპრეზიდენტო არჩევნები, არამედ ყველაფერი წინასწარ დადგინდეს და მხოლოდ მმართველი ელიტის მიერ დამტკიცებული კანდიდატები აღმოჩნდნენ ბიულეტენზე.
ეს დემოკრატიული დეფიციტი, რომელიც ირლანდიელი ხალხის ნებას ეწინააღმდეგება, უკვე გამოკვეთილად გამოჩნდა ჩემი ინტერესის გამოხატვის შედეგად.
ძალიან მოკლე დროში შევძელი დადებითი ცვლილებისთვის მობილიზაციის გაღვივება ირლანდიაში, იმავდროულად, როცა მავნე პოლიტიკური დევნა და „ფეიკ ნიუსით“ გაძლიერებული მედია ცდილობს წინააღმდეგობას.
დღეს უკვე არსებობს ხილული და ხმამაღალი მოძრაობა ირლანდიელი პატრიოტებისა, რომლებიც ჩვენს კულტურულ და ისტორიულ ფესვებს უბრუნდებიან, რათა დაიცვან ჩვენი ცხოვრების წესი როგორც ირლანდიელების - მათ ვესალმები. ეს ტალღა ვეღარ შეჩერდება!
ფრთხილად დაფიქრებისა და ჩემი ოჯახის წევრებთან კონსულტაციის შემდეგ, ვიღებ გადაწყვეტილებას მოვხსნა ჩემი კანდიდატურა ამ საპრეზიდენტო ბრძოლიდან.
ეს ადვილი გადაწყვეტილება არ ყოფილა, მაგრამ ამ ეტაპზე სწორი სწორედ ეს არის. მიუხედავად იმისა, რომ ამ არჩევნებში აღარ მივიღებ მონაწილეობას, ჩემი ვალდებულება ირლანდიის მიმართ აქ არ მთავრდება.
გავაგრძელებ ჩემი ხალხის სამსახურს საერთაშორისო პლატფორმის გამოყენებით, რათა ირლანდიის ინტერესები საზღვარგარეთ დავიცვა, გავაძლიერო ჩვენი ეკონომიკური შესაძლებლობები და დავიცვა გამჭვირვალობა და პასუხისმგებლობა ქვეყნის შიგნით.
ამ კამპანიამ მნიშვნელოვანი დისკუსია გამოიწვია ირლანდიის დემოკრატიაზე - ვინ შეიძლება იდგეს, ვინ აირჩიოს და როგორ დავრწმუნდეთ, რომ პრეზიდენტობა ნამდვილად ხალხს ეკუთვნის. ეს დისკუსია არ დასრულდება.
ცვლილების ტალღა უკვე დაიწყო და მას უკან ვერაფერი დააბრუნებს. ეს ჩემი პირველი ნაბიჯი იყო პოლიტიკაში, და მიუხედავად იმისა, რომ ახლა უკან დახევა გადავწყვიტე, მნიშვნელოვანი პროგრესი უკვე მიღწეულია.
მინდა დავარწმუნო ირლანდიის ხალხი, რომ ეს ჩემი ბოლო არჩევნები არ იქნება. ისევ დამინახავთ აგიტაციაზე, თქვენს უფლებებს დავიცავ და ჩვენი ერის საუკეთესო ინტერესებს წარმოვადგენ.
ეს დასასრული არ არის, არამედ ჩემი პოლიტიკური მოგზაურობის დასაწყისია. მე მომწონს სიცოცხლის გაუმჯობესება, უფლებების დაცვა და ირლანდიელი ხალხის სამსახური ერთგულებითა და პატიოსნებით.
გავაგრძელებ ჩემი ხალხის სამსახურს გლობალურ ასპარეზზე, ირლანდიის სოციალური და ეკონომიკური ინტერესების დასაცავად — ამაში ეჭვი არ გქონდეთ.
ეს მარათონია და არა სპრინტი! წინ ერთად!
სამუდამოდ პატივისცემით, კონქურ მაკ გრეგორი." - წერს კონორი სოციალურ ქსელში.
