VIDEO: სიგიჟე ბოლო წუთზე - ირლანდიამ უნგრეთს მოუგო და პლეიოფში გავიდა
16 ნოე, 2025 · 0 წთ წასაკითხად
-
Aa
+
ფონტის ზომა
2026 წლის მსოფლიო ჩემპიონატის საკვალიფიკაციო ეტაპის ბოლო ტურში უნგრეთის ნაკრებმა ბუდაპეშტში ირლანდია მიიღო.
მატჩის წინ უნგრელებს 8 ქულა ჰქონდათ, ირლანდიელებს კი - 7, ბრძოლა კი ჯგუფში მეორე ადგილზე გასასვლელად იყო. შესაბამისად სტუმრებს მხოლოდ გამარჯვება აძლევდათ ხელს.
პირველი ტაიმი უნგრელთა გამარჯვებით 2-1 დასრულდა. მე-80 წუთზე ანგარიში ტროი პაროტმა გაათანაბრა, რომელმაც პირველ ტაიმშიც გაიტანა.
მატჩის კულმინაცია კი კომპენსირებულ დროში დადგა. მსაჯმა თამაშს 5 წუთი დაამატა და როცა უკვე ყველაფერი უნდა დამთავრებულიყო, საჯარიმოში ლიამ სკეილსის მოგებური საჰაერო ორთაბრძოლის შემდეგ, პაროტმა მატჩის ბოლო დარტყმა გოლად აქცია და ჰეთ-თრიქი შეასრულა.
ირლანდიელმა თავდამსხმელმა რამდენიმე დღის წინ პორტუგალიასთან დუბლი შეასრულა, დღეს უნგრეთთან კი ჰეთ-თრიქი და ბოლო 2 მატჩში გატანილი 5 გოლით ირლანდიას 6 ქულა და პლეიოფის საგზური მოუპოვა.
