უნგრეთის ნაკრების მთავარი მწვრთნელი მარკო როსი არნე სლოტის კომენტარებს გამოეხმაურა.
ლივერპულის თავკაცმა თქვა, რომ მისი მოთამაშეები უნდა ერიდონ ორი ამხანაგური მატჩის განმავლობაში სრული 180 წუთის თამაშს.
„მე არასდროს მისაუბრია პირადად არნე სლოტთან, ამიტომაც არასდროს მითქვამს მისთვის, მაგალითად, ლივერპულში დომინიკ სობოსლაი დაცვაში როდის უნდა გამოეყენებინა.
ველოდები იმავეს მისგანაც, რომ არ ჩაერიოს ჩემს საქმეში. თუ დომინიკს დასვენება მოუნდებოდა, რა თქმა უნდა, ამას დავუშვებდი, მაგრამ ყველამ იცის, რამდენად მნიშვნელოვანია მისთვის, როგორც კაპიტნისთვის, ეროვნული ნაკრების მაისური.
ახლა ჩვენი პრიორიტეტი ამ მატჩებში კარგი შედეგების მიღწევაა.“ - განაცხადა იტალიელმა სპეციალისტმა.
