მამარდას მშრალი მატჩი და ვალენსიას უმნიშვნელოვანესი სამი ქულა

ლა ლიგის 29-ე ტურში ვალენსიამ საკუთარ მოედანზე მალიორკა დაამარცხა.

შეხვედრა სტადიონ მესტალიაზე გაიმართა და ღამურების გამარჯვებით 1:0 დასრულდა.

მატჩის ერთადერთი გოლი 50-ე წუთზე დიეო ლოპესმა ალმეიდას პასით გაიტანა და ვალენსიას უმნიშვნელოვანესი სამი ქულა მოუტანა.

გიორგი მამარდაშვილმა ტრადიციულად სრული მატჩი ჩაატარა და SofaScore-სგან 7.0 შეფასება დაიმსახურა.

საქართველოს ნაკრების კარის დარაჯს თამაშში ჩართვა ორჯერ მოუწია.

ვალენსიამ 31 ქულა დააგროვა და გასავარდნ ზონას უკვე 4 ქულით ჩამოშორდა, ამ ეტაპზე გუნდი მე-15 პოზიციაზეა.