ბარსელონას 20-მატჩიანი წაუგებელი სერია დაუგროვდა - შემდეგი ატლეტიკოა

ბარსელონამ წაუგებელი სერია 20 მატჩამდე გაზარდა.

ჰანსი ფლიკის გუნდმა ლა ლიგის 29-ე ტურში ჟირონა 4:1 გაანადგურა.

უკანასკნელად კატალონიელებმა ატლეტიკოსთან 2024 წლის 21 დეკემბერს წააგეს. მას შემდეგ, გუნდმა ჩემპიონატში, ესპანეთის სუპერთასზე, ესპანეთის თასზე და ჩემპიონთა ლიგაზე 20 თამაში ჩაატარა, საიდანაც 17 გამარჯვება მოიპოვა და 3-ჯერ ფრე ითამაშა.

შემდეგ თამაშს ბარსელონა სწორედ ატლეტიკოს წინააღმდეგ, ესპანეთის თასის საპასუხო 1/2 ფინალში, გასვლაზე ჩაატარებს.