ლივერპულის ყოფილმა მეკარემ, ბრედ ფრიდელმა, საკუთარი მოსაზრება გამოთქვა, მზად არის თუ არა „წითლების“ სათადარიგო მეკარე გიორგი მამარდაშვილი, რომ არნე სლოტის პირველი ნომერი გახდეს.
გიორგი მამარდაშვილი უდიდესი ტალანტია, მაგრამ ნამდვილად მზად არის თუ არა ახლა ლივერპულის ძირითადი მეკარის როლზე არსებული ზეწოლის გასამკლავებლად?
„რთულია, როგორც უკვე ვთქვით, მას მოუწევს ისეთი გამორჩეული მეკარის შემდეგ თამაში, როგორიც ალისონია. ასეთი მეკარეები, როგორიც ალისონია, ხშირად არ იბადებიან და ის წლების განმავლობაში ლივერპულის წარმატების ერთ-ერთი მთავარი ფიგურა იყო, ამიტომ მისი ჩანაცვლება ძალიან რთული იქნება.
მაგრამ მამარდაშვილი თავის გზას უნდა გაჰყვეს, დარჩეს საკუთარი თავის ერთგული და შექმნას საკუთარი ისტორია ლივერპულში.
არ არსებობს მიზეზი, რატომ ვერ გაუძლებს ამ ზეწოლას, თუმცა ამას მხოლოდ მაშინ გავიგებთ, როცა მას შანსი მიეცემა. რაც მე მინახავს, მგონია, რომ ლივერპულის სკაუტები, ალბათ, კვლავ ეძებენ ახალ გრძელვადიან პირველ ნომერს, მაგრამ სანამ მამარდაშვილი ლივერპულშია, მას შეიძლება მიეცეს შანსი, აჩვენოს თავისი შესაძლებლობები და ის უნდა ეცადოს ამ შანსის მაქსიმალურად გამოყენებას.“ - განაცხადა ამერიკელმა.
