ნორვეგიასთან მარცხისა და მუნდიალიდან გამოვარდნის შემდეგ, ნეიმარმა სანაკრებო კარიერის დასრულება ოფიციალურად გამოაცხადა.
თუმცა, ლეგენდარული ფეხბურთელის მამამ სოციალურ ქსელში საჯარო და ემოციური წერილი გამოაქვეყნა, სადაც შვილს სთხოვს, ფეხბურთს საერთოდ არ ჩამოშორდეს და საკლუბო დონეზე მაინც გააგრძელოს თამაში.
ნეიმარ უფროსმა ინსტაგრამზე დაწერა:
მინდა, როგორც მამამ, ერთი თხოვნით მოგმართო. ნეი, გთხოვ, ფეხბურთის თამაში გააგრძელე
34 წლის ვარსკვლავი ნორვეგიასთან მარცხის (1:2) შემდეგ მოედანზე დიდხანს ტიროდა, პრესკონფერენციაზე კი თქვა: „ვეცადე, ყველაფერი გავაკეთე. ახლა ყველაფერი დასრულდა. აქ დავიწყე და იქვე დავასრულე“.
ნეიმარი ბრაზილიის ნაკრებიდან 130 მატჩით, 80 გოლითა და 59 ასისტით მიდის, რითაც პელეს რეკორდს გადაასწრო, თუმცა მსოფლიო ჩემპიონის ტიტული მისთვის მიუღწეველ ოცნებად დარჩა. კარლო ანჩელოტის ახლა გუნდის სრული გადაწყობა მოუწევს, ფანები კი ელიან, დაუჯერებს თუ არა ნეიმარი მამას.
