მსოფლიო ჩემპიონატის მეოთხედფინალში ერთმანეთს საფრანგეთისა და მაროკოს ეროვნული ნაკრებები დაუპირისპირდნენ.
მატჩი ბოსტონში, ჟილეტ სტედიუმზე იმართება და მისი გამარჯვებული ნახევარფინალში ესპანეთისა და ბელგიის წყვილს შორის მოგებულს შეხვდება. აღსანიშნავია, რომ ეს შეხვედრა კატარის მსოფლიო ჩემპიონატის ნახევარფინალის ერთგვარი განმეორებაა.
გუნდების შემადგენლობები ასე გამოიყურება:
საფრანგეთის ნაკრები: მენიო; კუნდე, სალიბა, უპამეკანო, დინი; კონე, რაბიო, ოლისე; დემბელე, დუე, მბაპე.
დიდე დეშამმა შემადგენლობაში ცვლილება განახორციელა და ბარკოლას ნაცვლად მოედანზე დუე გაიყვანა, ხოლო ჩუამენი, რომელიც ტრავმის შემდეგ დაბრუნდა, სათადარიგოთა სკამზე რჩება.
მაროკოს ნაკრები: ბონო; ჰაკიმი, დიოპი, ედდინე, მაზრაუი; ბუადი, ელ აინაუი, უნაჰი, ელ ხანუსი, ტალბი; ბრაჰიმ დიასი.
მოჰამედ უაჰბის გუნდს ტრავმის გამო აკლია მათი საუკეთესო ბომბარდირი, ისმაელ საიბარი, რომლის ადგილიც სასტარტო შემადგენლობაში ტალბიმ დაიკავა.
მაროკო ისტორიული მიღწევის შემდეგ ზედიზედ მეორე ნახევარფინალში გასვლას ცდილობს, საფრანგეთი კი, რომელმაც ჯგუფური ეტაპი იდეალურად დაძლია, ტურნირის ერთ-ერთ მთავარ ფავორიტად რჩება.
შეხვედრას არგენტინელი არბიტრი ფაკუნდო ტელიო გაუძღვება.
