Netflix-ი სპორტულ სამყაროში პოზიციებს სულ უფრო იმყარებს და ისტორიულ ნაბიჯს დგამს - კომპანიამ 2030 წლის ფეხბურთის მსოფლიო ჩემპიონატის ექსკლუზიური ტრანსლირების უფლება მოიპოვა ესპანეთისა და ანდორას ტერიტორიაზე.
შეთანხმების თანახმად, Netflix-ი ტურნირის ექსკლუზიური მაუწყებელი იქნება, თუმცა თითოეულ სათამაშო დღეს თითო მატჩის ყურება ღია ეთერით, უფასოდ იქნება შესაძლებელი. გარდა ამისა, ესპანეთის ეროვნული ნაკრების შეხვედრებს, ნახევარფინალებსა და ფინალს ადგილობრივი ეროვნული ტელევიზიაც გადასცემს.
ეს Netflix-ისთვის მამაკაცთა მსოფლიო ჩემპიონატის ტრანსლირების პირველი გამოცდილება იქნება. კომპანიას მანამდეც ჰქონდა ინვესტიციები ჩადებული ქალთა მუნდიალის, NFL-ის მატჩების, ბოქსისა და ოქროს თასის ტრანსლაციებში, თუმცა 2030 წლის ჩემპიონატი სტრიმინგ პლატფორმისთვის სრულიად ახალი მასშტაბია.
