მადრიდის რეალის ყოფილმა მოთამაშემ და მწვრთნელმა, ხორხე ვალდანომ არგენტინის ნაკრების მსოფლიო ჩემპიონატის ფინალში გამოსვლა შეაფასა.
ვეტერანი ფეხბურთელის აზრით, გუნდმა ინგლისის წინააღმდეგ გამართული ურთულესი ნახევარფინალის შემდეგ ფიზიკური და ემოციური დაღლილობის გადალახვა ვერ შეძლო და ფინალს ფაქტობრივად გამოფიტული შეხვდა.
ვალდანომ განსაკუთრებული ყურადღება გაამახვილა ლიონელ მესის ეპიზოდზე, როდესაც ის კუკურელიას გაძევებას იმ ქმედებისთვის ითხოვდა, რაც ესპანელ მცველს რეალურად არ ჩაუდენია. რეალის ყოფილი მწვრთნელის შეფასებით, ეს იყო სასოწარკვეთილების ნათელი ჟესტი და მეტოქის უპირატესობის პირდაპირი აღიარება. მისი თქმით, ფინალში გუნდებს შორის სხვაობა იმაზე გაცილებით დიდი აღმოჩნდა, ვიდრე ამას გულშემატკივარი იყო შეჩვეული.
არგენტინას აშკარად აკლდა ის მუხტი, ძალა და ენერგია, რასაც ტურნირის წინა ეტაპებზე აჩვენებდა. მეორე მხრივ, ვალდანომ ხაზი გაუსვა ესპანეთის ნაკრების იდეალურ თამაშს. ესპანელებმა ფინალი ყველა თვალსაზრისით ოსტატურად ჩაატარეს, არგენტინელთა არცერთ მახეში არ გაებნენ და ტექნიკურთან ერთად, მორალური კუთხითაც სრულად აჯობეს მოწინააღმდეგეს.
