მანჩესტერი ტენ ჰაგის შემცვლელად სამ მწვრთნელს მოიაზრებს

როგორც გითხარით, ჯანლუკა დი მარციოს ინფორმაციით, ერიკ ტენ ჰაგი სეზონის ბოლოს მანჩესტერ იუნაიტედს დატოვებს.

იტალიელი ჟურნალისტის ცნობით, ამ ეტაპზე კლუბი მის შემცვლელად სამ კანდიდატს მოიაზრებს. ესენი არიან:

კირან მაკენა, მაურისიო პოჩეტინო და რობერტო დე ძერბი.

პოჩეტინო უახლოეს პერიოდში ჩელსის ოფიციალურად დატოვებს, დე ძერბი სეზონის ბოლოს ბრაიტონს უკვე დაემშვიდობა, კირან მაკენა კი ამჟამად იფსვიჩის სათავეში დგას, რომელმაც 2023/24 სეზონის შედეგად ჩემპიონშიფში 96 ქულა დააგროვა და მე-2 ადგილით პრემიერ ლიგის საგზური მოიპოვა. 

საინტერესოა, რომ მანჩესტერის გარდა, მაკენას დანიშვნით ჩელსიც ინტერესდება.