მანჩესტერმა 20 წლის მცველის ტრანსფერი შეათანხმა

იტალიელი სპორტული ჟურნალისტის, ფაბრიციო რომანოს ინფორმაციით, მანჩესტერ იუნაიტედმა ლეჩესთან პატრიკ დორგუს ტრანსფერთან დაკავშირებით სიტყვიერ შეთანხმებას მიაღწია.

წითელი ეშმაკები იტალიელებს მოთამაშის სანაცვლოდ 30 მილიონ ევროს + 5 მილიონ ევროს ბონუსების სახით გადაუხდიან.

მოთამაშე ახალ კლუბთან გრძელვადიან კონტრაქტს გააფორმებს და ის რუბენ ამორიმის პირველი შენაძენი გახდება მანჩესტერში.

20 წლის მარცხენა მცველი, პატრიკ დორგუ დანიური ნორდშელანდის აღზრდილია. 2022 წელს ის ლეჩეს შეუერთდა, 2024 წელს კი დანიის ნაკრებში დებიუტიც ჰქონდა და 4 მატჩიც ჩაატარა.