მანჩესტერმა ნიუკასლს მოუგო

პრემიერ ლიგის 34-ე ტურის გამოტოვებული მატჩი ოლდ ტრაფორდზე მანჩესტერ იუნაიტედსა და ნიუკასლს შორის გაიმართა.

31-ე წუთზე ანგარიში კობი მეინუმ გახსნა, 49-ე წუთზე აარონ გორდონმა წონასწორობა აღადგინა, აქედან 8 წუთში კი ამად დიალომ მასპინძლები კვლავ წინ გაიყვანა. 84-ე წუთზე ბრუნო ფერნანდეშის პასის შემდეგ რასმუს ჰოილუნდმა სეზონის მე-15 გოლი გაიტანა. მატჩის მიწურულს ლუის ჰოლმა ანგარიში 3-2 გახადა, თუმცა სტუმრებმა ქულის მოპოვება ვეღარ შეძლეს და 3 ქულა ოლდ ტრაფორდზე დარჩა.

ამ გამარჯვებით წითელმა ეშმაკებმა 57 ქულა დააგროვეს და სწორედ ნიუკასლს გაუთანაბრდნენ, გუნდები მეექვსეადგილოსან ჩელსის 3 ქულით ჩამორჩებიან, რომელმაც თავისი მატჩი ბრაიტონთან მოიგო.